شوفو الشباب وش يسوون عند الاشاره

> > عند الاشاره تحصل قصص وروايه اغلبيه الشباب لهم طريقتهم الخاصه
> >
> > في شغل اوقات فراغهم لم يكونو واقفين عند الاشاره
> >
> > النوع الاول :
> >
> > وهو الي يستغل وقته ويرتب سيارته ويفتح دروج سيارته
> >
> > ويعفط في هالفواتيرويرميها في الشارع وفجاءه ماتدري
> >
> > الاوهو ناقز في المرتبه الي ورا يرتبها ولا تستغرب اذا شفته
> >
> > ناط في شنطه السياره (الرجال مرتب)وتنفتح الاشاره والاخ مشغول في التنظيف
> >
> > النوع الثاني :
> >
> > وهوالي تقول توه يكتشف ان وجهه محتاج تنظيف
> >
> > ويسحب في المنديل وعلى خشمه(هذا اذا عنده منديل
> >
> > بعضهم يقعد يفر بيده في خشمه ماعنده وقت اعذروووه )
> >
> > واذا خلص طفى السياره علشان ينظف اذنه بالمفتاح (قصده شريف)
> >
> > وشوي ويقص اظافريده وماتدري الاوهو مرفع رجله يقصها
> >
> > هذا اذا كان معاه مقص اظافر واذا ماكن موجود فالحل موجود
> >
> > طبعا يقص اظافره بواسطه اسنانه (قمه النظافه)ولا تستغرب
> >
> > اذا شفته مطلع راسه ويغسله بالشامبو
> >
> > النوع الثالث :
> >
> > وهو اكثر واحد يفرح اذا وقف عند الاشاره علشان يبداء
> >
> > يستعرض ويرقص ويردح هو واخوياه ويرقصون السياره معهم .
> >
> > النوع الرابع :
> >
> > وهو عكس الي قبله وهوالي يشغل شريط خالد عبدالرحمن (ومغلدم)
> >
> > وانواع التغلق والحزن وطبعا الاغنيه من كثر ماهي قديمه تشك انه
> >
> > مغنيها قبل توحيد المملكه ويكون وجهه مورم من الصياح
> >
> > النوع الخامس :
> >
> > وهو الي تقول توه مكتشف انه ابو وماتسمع غير هواشه وسبه
> >
> > على بزرانه الي مالين سيارته وماتدري الا وهو ساحب العقال
> >
> > ومخرب التشخيصه(يستعمل اساليب التربيه الحديثه)ويرجمهم
> >
> > بكرتون المناديل الي ماليه السياره والفضل يعود للمحطه البنزين
> >
> > لو تمر جنبهم عطوك منديل هديه
> >
> >
> >
> >
> >
> >
> >
> > النوع السادس :
> >
> > وهو الي يستغل الوقت ويجلس يشخص ويرش عطر وشوي
> >
> > ومعلق الايرفون في اذنه ومشغل شريط (سيلين ديون)
> >
> > مسوي جو اجنبي وانواع القز في السيارات الي جنبه
> >
> > النوع السابع :
> >
> > وهو الي اذا شفته ترحمه وتقول ميت من الجوع وتشك انه جالس
> >
> > في مطعم مو في سياره الرجال ماسك الهمبرجر بيد والببسي و
> >
> > البطاطس بيد والشورما في حضنه والفطاير جنبه والبيتزا في المرتبه
> >
> > الي وراه ولا تستغرب لو شفته داب في مفطح
> >
> > النوع الثامن :
> >
> > وهو الي تحس انه ماعنده وقت ابد ودايم بزي رسمي ولابس نظاره وخاتم
> >
> > ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال
> >
> > النوع التاسع :
> >
> > وهوالي سيارته زحمه مو ناس لا ماخلى ثوب ولا شماغ ولا بدله
> >
> > ولاجزمه حتى الشراب الا ومركبها معه عشان يكون تبديل الملابس
> >
> > اسرع عند الاشاره حتى البطانيه جايبه وماخذها معاه تعرفون الجو متقلب
> >
> > النوع العاشر والاخير:
> >
> > وهو الي تحس انه شخصيته ضعيفه و ماسك النظاره ومتعلق
> >
> > في الدركسون والابداع يكون وراه عند المدام واخواتها انواع
> >
> > السواليف والحش ولما يكونو توهم طالعين من السوق كل وحدها
> >
> > تطلع مقاضيها وتوريهم وشوي الا وهي متحمسه وصاقعه المسكين
> >
> > برجلها الاخت معذوره جالسه تقيس الجزمه الجديده .
> >

ان شالله تعجبكم

هههههههههههههههههههههههههههه

اهم شي اللي بتقيس الجزمه الجديده هههههه

والله كااااااااااااي بس انا ماركز في الاشاره اقعد العب بي اس بي هع

يسلموووووو اجنن