موقف ما ابغاه ينعاد معي و لا يصير في غيري

احم احم اول شيء السلام عليكم>>ردوا السلام
هادا الموقف صار معي شخصيا يوم رحنا الشرقية في الخبر المهم اهلي كلهم في الغرف مكبرين المخدة و ابويا كان يتفرج على التلفزيون المهم انا و اختي (....) كنا صغار يمكن انا عمري 7 او8 سنين اما اختي (....) يمكن9 و10سنين فقمنا خططنا انو نخرج و نلعب بالمصعد او الاصنصير
فالمهم رحنا قلنا لبابا اننا نبا ننزل القاعة النسائية للرياضة>>هادي القاعة فيها اجهزة رياضية و مراجيح بزورا و الزحاليق زي كذا.
فخرجنا من السويت بكبره طبعا بعد ما اخذنا اذن من الاب .
فرحنا جري على الاصنصير كانت مقابلة بعض انا اخدت ايلي في اليسار و اختي (....) في اليمين طبعا اللعبة كانت نتفق على الدور و أول واحد يوصل هوا الفايز فاتفقنا على الدور الثاني طبعا كنا نحنا في الدور السابع فنزلنا و الفايز كان طبعا بدون مدح لنفسي اختي (....) و لعبنا و لعبنا لين طفشنا و كانت هذي هي الجولة الاخيرة فقمنا دخلنا الاصنصير طبعا كنا تحت في الريسبشن طلعت اختي الاصنصير قفل الاصنصير بابه و طلعت اما انا فكان على وشك انو يقفل الى بضغطة زر ينفتح تاني و يدخل واحد باين من من شكله انو توه متزوج يعني 25او26او27 المهم في العشرينات
فدخل الاصنصير و ضغط على الدور السابع.
انا في قلبي: مالت عليه في نفس الدور حقنا>>ليش هوا حق ابويا خخخخخ
فقام و طالع فيا و قال بكل برود و كأنه طالع من التلاجة: أي دور تبين تروحينه
انا بدون نفس: الدور السابع لو سمحت>>مسوي فيها مؤدب.
فقال: نفس الدور ايلي انا طالع له.
انا بقلبي: يعني انا اعمى ما اعرف الارقام بسم الله عليا سنة اولى ابتدائي.
و انا في معمعة افكاري يوقف لك المصعد في الدور السابع و اللمبات تطفي و انا اتلفت يمين و شمال ايش صار طفى المصعد ليش كيف اكيد هوا ايلي خربه و هادي هيا الافكار ايلي كانت تدور براسي اطالع فيلو و الاقيه هادي و لا كأنه صاير شي طالع فيا لو كانت النظرات تقتل كان قتلته آه.
((معلومة)):انا كنت قصيرةمرررة يعني ما اوصل نص رجله مالت عليه حتى لما كنت قاعد العب سبب خسارتي قصري لاني اقعد انطنط ز القرود عشان اوصل للزر.
انا:دحين ايش نسوي طفا الاصنصير اضغط زر الانذار او المساعدة مدري اش اسمه.
قام طالع فيا و قال بكل برود ابرد من التلج: ايلي يبغى يسوي شي يسويه بروحه.
انا: يعني ناوي تبات هنا في الاصنصير.
الرجال: عندك مانع.
انا في قلبي: لا عندي دواس.
انا في هذه اللحظة قمت انطنط عشان اضغط على زر الانذار او المساعدة>>تعرفوا لما الواحد يقعد ينطنط يقول آآآآه او يووووه ما وصلت و مدري ايش.
انا كنت اسوي حركات البزورا هادي فأزعجت الرجال فقام طالعلي نظرات تفجع اهئ اهئ تخوف المهم قال.
الرجال: الحين انت ليش ما تجلس.
انا:لااااااااا انا ابغى اطلع انا عندي ربو افرض لو انكتمت هااااااااه>>ابتدى شغل كذب البزارين مع انو انا لا عندي ربو و لا هم يحزنون بس كذا عشان اطلع.
الرجال: اففففف طيب لا تزاعق فقعت لي اذني مدري من وين جايب ذا الصوت.
انا: قول ما شاء الله يا حسودي.
الرجال: هاااااه ما سمعت اش قلت اقول ما شاء الله ليش و على ايش.
انا:قووووووووووووووووول يا حسودي.
الرجال: افففففف طيب ما شاء الله.
انا: قول ما شاء الله تبارك الله لا حول و لا قوة الا بالله العلي العظيم.
الرجال:تراني عطيتك وجه بزيادة يا القزم.
انا راح عقلي لبعيد احسبه يقولي و انتم كرامة جزمة بس باللهجة المصرية.
انا: بحلقك ان شاء الله .
الرجال فقع ضحك:ههههههههههههههههاي هههههه ههههههاي .
انا عصبت بس سمعت صوت اختي (....) تناديني اختي: (....) انتي هنا.
انا ما صدقت احد يناديني فقلت و انا حاطة يدي على باب المصعد>>مسوية فيها دراما
انا: (....) انا هنا روحي عند بابا قولي له يجي يطلعني.
الرجال: ترا في ناس معك.
انا و لا عبرته
اختي: طيب دحين جية و معايا بابا استنى لحظة.
انا: (....) تكفى (....) جري الحمير جري الحمير.
اختي: طيب.
الرجال بدى يسولف: انتم مو من هنا صح.
انا: ايوة عندك مانع.
الرجال: لاااااا بس باين انه لهجتكم لهجة اهل مكة او جدة مكاوية او جداوية.
انا بقلبي: انا من مكة بس ولدت في الطايف و لا عمري فكرت اش هيا لهجتي بس انا احب جدة اكثر من مكة فقلت......
انا: جدة.
الرجال: آآآآآآهااااا.
انا بقلبي: صدق انك حمار و ابله.
انا: مو كأنهم اتأخروا
الرجال: صح و الله انا عندي رقم الريسبشن راح ادق عليهم يجبوا لنا واحد يفك لنا الاصنصير حسبي الله عليه ايلي قاعد يلعب بالاصنصير.
انا: حراااااام تدعي على الناس و انا اقول بقلبي:
انا ايلي قاعدة العب بالاصنصير حسب الله عليك انتا هو اصنصير ابوك.
انا: اففففففففففففففففففف>>طالعة من قلب
الرجال : لا تخاف الحين ادق على الاستقبال.
انا ما عبرته و لا قلت شي.
الا في هذه اللحظة ينفتح باب الاصنصير و الاقي واحد مصري كرشه متريييييييين ووراه بابا و اختي(....) شاقييييين الحلق و بقووووة بعد.
المصري: اخرجو اخرجو بسرعة لاحسن هائفل الاصنصير تاني .
انا بقلبي: جعلك تنحبس فيه ان شاء و كمان مع هاذا العلة ان شاء الله .
لما جيت اخرج خرج قبلي الرجال الغريب ايلي ما اعرف اسمه بعد ما خرج خرجت اختي
(....) سحبتني و قالت
اختي: تقول لي كل شي بالتفصيل الممل.
انا: قولي حمد لله على السلامة شي من هذا القبيل.
الا و اشنقل عيوني الاقي الرجال يكلم بابا و يضحك و داقها سوالف اللقافة اشتغلت اروح و اسمع آخر كلمة من الرجال.
الرجال: آآآهااااا اجل انتم من مكة موب جدة الا و يطالع فيا و يقول: عن الكذب مرة ثانية و اشتري بخاخ الربو عشين ما تنكتم هاه هاه هاه .
و يروح الرجال في حال سبيله و اخواتي ما تركوني لين قلت لهم عن السالفة و اختي لوليا اتريقت علي و قالت لي قصير لكن الآن انا اطول منها مع انها اكبر مني و اتمنى اني ارجع قصير وهذي هي قصتي لما انحبست في المصعد و سرت اخاف من المصاعد ان شاء لو كان 7 ادوار ما اطلع الاصنصير و كمان لو كان فيه رجال حرمت اطلعه ان شاء لو احد مات ادقها كعابي و هاذي هي اخطار المصعد.
الردود ابي الردود سعادة الملك

هههههههههههههههههه

اول شي يشرفني ان اكون اول واحد يرد على قصة الر ائعه

والله وطلعت رجال ياملك ومبكيت ومشالله عمرك 8 سنوات والله ان مينخاف عليك مشالله

والحمدلله على سلامتك ..

بس الي ابغا اعرفو ليش العب الزايد انتا واختك متعرفو انو الاصنصير هذا مشكله لو اتقفل > Laughing

والله حتى انا اتقفل عليا يوم كنت ادرس فمعهد بس الحمدلله انا يوم اتقفل لوحدي مكان معايا واحد غثيث زي الي نشبلك في الاصنصير خخخخخخخ

وانا مو مصري الي فك الاصنصير انا الدفاع المدني ايش تعرف انا حمتو مو اي احد
Smile

يلا حمدلله على سلامتك وانشالله تقص القصه هذي لاخوانك الصغار او عيالك عشان يحترسو

يسلمو على الموضوع الحلووووووووووو..

تقبل مروري

الله يصيبك فضحتنا
طيييييب شغلك عندي بعدين <<< خخخخخ
تقبل مروري
لوليا

يسلمو على المرور و انا و اختي ما كنا نحب اللعب الا كنا شياطين

حرااااااااام لييييش انا ايش سويت
مو انتي ايلي راح تشتكي انا راح اقول
لوزارة الداخلية العظمى هاه هاه و نشوف
مين ايلي حكمه راح يتنفذ Twisted Evil

ههههههه امزح يسلمو على المرور لوليا

ههههههههههههههههههههه
والله انك تحفه انت واختك
ولا وزاره الداخليه هههههههههههههه
انا بكره اروح المدرسه اشتكي بنفسي هع
هيا هذه اخرة اللعب بالأصنصير
فكرتني بمواقفي مع الأصنصيرات خصوصا حق بيت جدتي هههههههههههه
كنت انا وولد خالتي طالعين نازلين بيه الين وقف علينا وبعدها صار خربان<<اذا عرف السبب بطل العجب هع
يسلموووووو ياملك عالقصه والمواقف الجميله بس نستنى الموقف اللي في الدانوب خخخخخ

يسلــــــــــــمو على المرور رورو

ثـــااانكس

ههههههههههههههههههههه

حمـــــــــــــــاااس

صرااحة احلى شي في الحياة

المواقف الا كدا كتر منها ملك<< في حمايتي خخخخ

يسلموووووووووووووووووووووو

ههههههههههههههههههههههه
رهيييييييييييييييبييييييييييين
والله إنك فله

يسلموووووووووووووو على المرور

فرفش + غفوووري

اما وانت تنطط مثل القرد
اتخيل الموقف واضحك
بس الحمدالله على السلامه
تقبل مروري

..رابتسااامة عندك أخطاااء إملائية كتبت قردة انا ماني بنــــــــــت المفرووووض قرد ..

.. هههه والله يديم عليك الضحكــ ويسلمووووووووو ع المرور ..

عدلته يا قلبي
ومعليش والله مو مقصوده
مشكور على التوضيح

.. لا عاااااتي ما صار شي ..

.. بس انتبه الا الخطأ ..

يسلمو يا سعادة الملك على القصة

حمدلله على سلامتك

تقبل مروري أجنن
Cool

.. اللهـ يسلمكـ ياقمر ..

.. يسلمووووووو على مروركـ العطر Embarassed

..

» لو يصير موضه راااح انجلط!
» موقف محرج لسعودية
» موقف محرج مع وحده دووووبه