الداااااااااااااااااااااااااااااااانوووووووووووووووب

احم احم طبعا حبيت اكتب موقف صار معاي و مع لولو اختي ايلي في المنتدى و طبعا هذا الموضوع لعيون مديرتنا الحبوبة رورو وهادا هوا موقف الداااااااانوب عمري ما راح انساه موقف بايخ بس يضحك اسمعوا ترا بدأت اسرد القصة.
نحن كنا في جدة>>قبل ما تغرق
وكنا في سوق الصيرا في ميجا مول طبعا نحن اش نسوي في عايلتنا ستة اشخاص انا ولد تلاته بنات وبابا وماما انا اجلس مع بابا و كمان اختي لوليا>>ما فينا حيييل نقعد ندور الاسواق.
اما اخواتي الباقيين يروحوا مع ماما هم نزلوا تحت في (الدانوب سارق الفلوس)>>سميته كذا.
المهم راحوا الدانوب حق الاكسسوار واشتروا اربعة ولاعات ليييييش>>معلومة: بابا يدخن عشين كذا اشتروا الولاعات. اشتروا تلاته ولاعات اتنين على شكل جيتار و وحدة على شكل مطفاية الحريق ووحدة على شكل سيجارة المهم طلعوا فوق و ماما طالعت فيا انا ولوليا ايلي كنا قاعدين نشفط في عصير سلاااااااش>>نفسي اشربه
ماما تكلم لوليا: (....) روحي انتي و (.....) رجعوا هادي الولاعة مي حلوة.
لوليا: حاااااااااااااااااااااااااااااااااااضر تعال يلا.
و تسحبني و نروح ننزل الدرجان ايلي مال امها داعي الا ونلاقي اخواتنا ينادونا .
اختي الكبيرة تكلم لوليا....) تعالي نروح نشتري افلام .
لوليا: اوكيه يلا .
انا: بس مو ماما.....ما امداني اكمل الا وهم رايحين عني فقلت :يلا نروح اش ورانا
بعد التنقيات و الاعتراضات اشتروا عشرة افلام>>حشى
رحنا نشتري فطاير ما ادري ليش يبغوها مع انهم ما يشترولي شي و لا حتى اخذوا رأيي في الافلام انا طنشت و رحنا نشتري الفطاير المحل كان جنب الدانوب اوكيه لمحت وحدة تفاحة يبيعها محل جنب محل الفطاير قلت لاختي لوليا ابغي دي التفاحة>>طبعا كانت هاذي التفاحة في عيدان و مغطيها الجلي يم يم يم مرة طعمها لزيز انصحكم بها.
اختي الكبيرة: (...) نحن رايحين انتو رجعوا الولاعه و تعالوا
انا:طيب
اختي الكبيرة : احد كلمك
انا: ايوه انتي
اختي الكبيرة: انا كلمت(....)
لوليا: يلا خلينا نروح نشتري التفاحة بعدين نرجع الولاعه
انا: اوكيه
رحنا و اشترينا التفاحة انا ما صدقت فأخذت اكبر وحدة طبعا رحنا الدانوب للاكسسوار كان في المحل رجالين واحد جاوي مدري اندنوسي ما ادري المهم انو من شرق آسيا و واحد سعودي السعودي كان عمره تقريبا 26 ما ادري كلمنا الجاوي عشين اختي ماهي راضية تكلم السعودي و تقله نبا نرجع قمنا كلمنا الجاوي
انا: نبغى نرجع هادي الولاعه>>انا كنت سادس ابتدائي يا دوب اعرف yes او no
فقام الجاوي يرطن انجلش و انا ما ادري ايش يقول
المهم جا السعودي يرطن هوا الثاني مع الجاوي والله شكلهم حلو يبغالهم صورة المهم قال السعودي
السعودي: اقدر اساعدكم بشي
انا: ممكن لو سمحت ترجع لنا الولاعة
السعودي: ما في عندنا ترجيع بس تقدر تنقي أي شي من المحل على نفس سعر الولاعه هادي
انا:طيب خد......مديت له الولاعه قام اخذها
قمنا انا و لوليا ندور في المحل عشين ننقي الشي ايلي راح ناخده التفاحة كانت في يدي و اقعد بدل ما اكلها الحسها بلااااااااهة مو المهم وصلنا في زاوية المحل من الجهة اليسار اختي لوليا تدخل تشوف الشموع ومدري ايش المهم انا كنت وراها بالضبط المهم كانت التفاحة قريبة من ظهرها فقامت رجعت ظهرها الا و تلصق التفاحة في العباية المشكلة هيا ما حست بشي المهم انا شلت التفاحة بسررررررعة البرق قبل ما تلاحظ
انا: (......) شوفي العباية حقتك اش صار لها
اختي علطول راحت للمرايه ايلي جنبنا فشافت بقعة طلعتها التفاحة لان التفاحة بالجلي
لوليا: تشهق ذيك الشهقة
المهم لوليا لما تعصب تمسكك من ملابسك و تسحبك عندها مدري من فين جايبه هذي القوة المهم و تضربك انا عارف عوايدها لانها الوحيدة من اخواتي ايلي يضربوا ذاك الضرب بعدت وشوي كمااان الا و لوليا تجري وراي ونقعد ندور في المحل المشكلة قاعدة تناديني و تشتمني و انا شوي و افطس ضحك عليها و هي تجري وراي المهم مسكتني و سحبتني >>تضرب على الظهر لوليا غفوري فرفوشة رورو تحذير لكم لا تقربوا من لوليا لمن تكون معصبة .
المهم انا ما خليتها تضربني فار عندها انا فار كل ما تعصب تجي تضربني الا انا اعطيها بركبتي الضربة القاضية على بطنها و كمان هيا ضربتني على ظهري المهم ونحن قاعدين نضارب زي القطاوه الا انتبه للرجال السعودي ايلي قاعد يتفرجلنا و كأننا عاملين فيلم كوميدي المهم انا استحيت على وجهي و دفيت لوليا ونحن طلعنا بدون ما ناخد الولاعة و لا شي قامت قالت لي لوليا
لوليا: البقعة مرة كبيرة هااااه قووووول تروح بالمنديل
انا: مع تايد الغسيل ما فيش مستحييييييل
لوليا: هيا حط يدك على البقعة و لا تشيلها فهمت
انا: وجع ان شاء ما بقى الا امسكك من ظهرك والله يمسكونا
لوليا: مالي صلاااااااااااح يلا حطها
انا: اففففففففففف طيب...........واحط يدي على ظهرها وايلي يشوفنا يقولو مخطوبين>>انا اطول من لوليا مع اني سادس وهي تانية ثانوي
و نمشي وكل الناس تطالع فينا علين ما وصلنا الطاولة و جلسنا ساااااااااااااكتييييييييييين و بعدين خرجنا من السوق و انا علين دحين حاط يدي على لوليا المهم رجعنا احلى و احلى مدينة في السعودية الطااااااااااااااااايف>>فدييييييتها انا
وهادي هيا قصة الدانوب وبعدها حرمنا نروح الدانوب سارق الفلوس.

هههههههههههههههههههههههههههههههههههاااااااااي
صاااادق وربي الدانوب سارق الفلوس
يسلموووووووووووو يااحسن ملك في العالم هع
اخيرا حطيت قصة الدانوب
وربي فلله اهم شي التفاحه ام الجلي هههههههه
وربي تعب من بداية السوق لنهايته وانت مغطي بيدك على البقعه كااااااي
وربي صراااحه اهنيك قصص بأسلوب ماشالله ابداااع بسم الله عليك
ومره تانيه اشكرك على القصه الجميله والرائعه >>>>ماصدقت حطيتها هع

مشكوووووووووووورة على المرور رورو
و ان شاء احط قصص زياااادة

ههههههههههههههههههه
والله طلعتي على حقيقتك يالولو وانا احسبكي طيووبه وماتضربي اتاريكي من تحت لتحت

يسلموو سعادة الملك على التحذير الداااااااااااااااااااااااااااااااانوووووووووووووووب Icon_lol

حراااااام

والله ما أضرب إلا على شي يستاهل

يعني بالمختصر ما في داعي تنفجعوا مني <<< خخخ

يسلمو ملك و شغلك عندي بعدين

.. لا تصدقووووووووووووها تضرب حتى ضربها يعور ..

.. يسلمووووووووو لولو ع المرورو ..

ههههههههههههه
الله يخليكم لبعض
اجل اخوان هاه
طيب كل واحد فيكم يطلع فضايح الثاني
وانا اصفقلكم cheers

يعطيك العافيه سعادة الملك شكلك مشاكس بس حبوب

.. يسلموووووووووو ابتسامة على المرور ..

.. احم احم ليا الشرف اني أكون مشااااكس هه ..